Sengwalwa sa Seisemane se saenilwe ke Mopresidente wa Naga go ya le ka moo o lokišitšwego ke
Molao wa Tokišo ya Dijedi tša Temo 17 wa 1985
Molao wa Tokišo ya Dijedi tša Temo 47 wa 1986
Molao wa Tokišo ya Dijedi tša Temo 18 wa 1989
Molao wa Tokišo ya Dijedi tša Temo 9 wa 1992
MOLAO
Go fana ka ditsela tšeo dijedi tša temo di ka thibelwago gape tša lwantšhwago; le go mathata ao a sepelelanago le seo.
a36y1983s11 Ditlhalošišo
Mo Molaong wo, ka ntle le ge diteng di laetša-
ditlabelo tša lefelo la go bea dinose' di šupa diphago, ditlabelo tša diphago le se sengwe le se sengwe seo dinose, mamapo, moti goba mae goba mana a bewago ka gare goba a hlokomelwago ka gona;
motho yo a dumeletšwego' o šupa motho yoo maatla goba mošomo o filwego goba o abetšwego go yena ka fase ga karolo 2 ;
tekanyo ya taolo' e šupa tekanyo ya taolo yeo e akantšwego ka go karolo 6 ;
dithoto tšeo di laolwago' di šupa se sengwe le se sengwe seo se boletšwego ka go temana (a) goba (b) ya karolo 3 ;
kgoro' e šupa Kgoro ya Temo;
Tlhalošišo ya 'kgoro' e emelwa ke karolo 1 (a) ya Molao 18 wa 1989 le karolo 1 (a) ya Molao 9 wa 1992.
Molaodikakaretšo' ...
Tlhalošišo ya 'Molaodikakaretšo' e tlošitšwe ke karolo 1 (b) ya Molao 18 wa 1989.
mohlankedi wa phethišo' o šupa mohlankedi yoo a kgethilwego go ya ka karolo 2 ;
Tlhalošišo ya 'mohlankedi wa phethišo' e emelwa ke karolo 1 (b) ya Molao 9 wa 1992.
karolo phoofolo e šele' e šupa leloko lefe goba lefe la mokolo la mmušo wa diphoofolo leo e se go la tlhago go Repabliki, gomme e akaretša mae a leloko le bjalo, eupša ga e akaretše leloko le bjalo leo e lego phoofolo yeo Molao wa Kaonafatšo ya Diruiwa, 1987 (Molao 25 wa 1977), o o amago goba yeo e lego hlapi bjalo ka ge e hlalošitšwe ka go karolo 1 ya Molao wa Boruahlapi tša Lewatle, 1988 (Molao 12 wa 1988);
Tlhalošišo ya 'phoofolo e šele' e emelwa ke karolo 1 (c) ya Molao 18 wa 1989.
sedirišwa sa go godiša' se šupa selo sefe goba sefe seo e lego se se thata goba sa seela seo ka go sona goba godimo ga sona dimela di ka bjalwago, go akaretšwa mabu ka gare ga ditšhelo goba dibopego tše di dirišwago go bjala dimela;
mamapo' a šupa mamapo, go sa kgathalege gore ka gare ga lemapo goba aowa, le modula woo o kgoboketšwago ke dinose tša mamapo, gape a akaretša peakanyo goba puno efe goba efe yeo e nago le mamapo goba modula wo bjalo;
ditšwantle' di šupa go tsebagatša dithoto tšeo di laolwago ka go Repabliki goba go tliša dithoto tše bjalo Repabliking;
Tlhalošišo ya 'ditšwantle' e loketšwe ke karolo 1 (d) ya Molao 18 wa 1989.
selo se se fetšago' se šupa selo se sengwe le se sengwe, ka ntle le semela, seo se ka šomago bjalo ka sedirišwa sa go phatlalatša twatši efe goba efe, khunkhwane goba phoofolo e šele;
khunkhwane' e šupa leloko lefe goba lefe leo e sego la mokolo wa mmušo wa diphoofolo, go sa kgathalege ka ga kgato ya go gola, eupša e sego leloko leo-
a le akareditšwego ka go tlhalošišo ya 'hlapi' ka go karolo 1 ya Molao wa Boruahlapi tša Lewatle, 1988 Molao 12 wa 1988;
b amago motho goba phoofolo fela;
Tlhalošišo ya 'khunkhwane' e emelwa ke karolo 1 (e) ya Molao 18 wa 1989.
pušo ya selegae' e šupa tlhomo goba mokgatlo ofe goba ofe woo o akantšwego ka go karolo 84 (f) ya Molao wa Mmušo wa Profense, 1961 (Molao 32 wa 1961);
Tlhalošišo ya 'pušo ya selegae' e emelwa ke karolo 1 (f) ya Molao 18 wa 1989.
Tona' e šupa Tona ya Temo;
mohlankedi' o šupa mohlankedi goba modiredi bjale ka ge e hlalošitšwe ka go karolo 1 ya Molao wa Ditirelo tša Setšhaba, 1984 (Molao 111 wa 1984);
Tlhalošišo ya 'mohlankedi' e emelwa ke karolo 1 (g) ya Molao 18 wa 1989.
molao' o šupa molao woo o akantšwego ka go karolo 4 goba 7;
Tlhalošišo ya 'molao' e emelwa ke karolo 1 ya Molao 47 wa 1986.
mong', kamanong le naga-
a e šupa motho yoo bong bja naga yeo bo theilwego godimo ga gagwe goba yoo naga e ngwadišitšwego ka leina la gagwe, ge e ba motho yoo ga a gona mo Repabliking goba ga go tsebege gore o kae, moemedi wa gagwe ka mo Repabliking;
b yeo e rekišitšwego, go akaretšwa moreki yoo leina la gagwe le se la tšwago le ngwadišwa;
c go ya ka tšhomišo ya naga yeo ntle le go e senya, go šupa gore tšhomišo le boithabišo ka yona;
d ka fase ga taolo ya pušo ya selegae, e šupa gore pušo ya selegae;
twatši' e šupa dimelameetseng, tututšhwane, pakteria, kokwanahloko, maekoplasemo, spiroplasemo, viroite goba sephedi sa go swana le rikhethišia, eupša ga go akaretšwe twatši efe goba efe yeo e ka hlolago malwetši mo bathong goba diphoofolong fela;
Tlhalošišo ya 'twatši' e emelwa ke karolo 1 (h) ya Molao 18 wa 1989.
tumelelo' e šupa tumelelo yeo e laeditšwego ka go karolo 3 goba 6 ;
sebjalo' se akaretša seripa sefe goba sefe seo se phelago goba se hwilego sa sebjalo le se sengwe le se sengwe seo se tšwago mo sebjalong;
šupetša' e laetša go šupetša ka molawana;
lefelo la kwaranthine' e šupa lefelo leo le laeditšwego bjalo ka lefelo la kwanranthine ka molao ka fase ga karolo 7;
molawana' o šupa molawana woo o dirilwego ka fase ga Molao wo;
Molao wo' o akaretša melawana;
modiriši wa naga' e šupa mong wa naga, go akaretšwa-
a motho yo a nago le tokelo ya naga sebakeng sa gagwe sa trasete, motlatšafitei, moswari wa bokgoba, moagi goba modudi, go sa kgathalege gore o tlo dula go tloga moo;
b motho yoo a nago le tokelo ya go rema mehlare mo nageng goba go tloša mehlare le magong mo nageng;
c motho yoo a nago le tokelo ya go tloša mohlaba, mabu, letsopa, maswika goba lekgwara mo nageng;
d motho yoo a tšwelago pele ka go popola le go epa mo nageng.
a36y1983s22 Batho bao ba pharwago molato ka taolo ya Molao
Tona e tla laela bahlankedi ba bantši ba kgoro ka mo go kgonegago le bahlankedi ba phethiši, bao ba tlago, go ya ka ditaelo tša tona, diriša maatla gomme ba dira mešomo yeo e neetšwego goba e rwešitšwego mohlankedi wa phethiši ka fase ga Molao wo.
karolwana e emelwa ke karolo 2 (a) ya Molao 9 wa 1992.
Mohlankedi wa phethiši a ka neela maatla afe goba afe ao a neetšwego go yena ke goba ka fase ga Molao go mohlankedi, ka ntle le maatla a go laola ka fase ga karolo 7 a gore se sengwe se senywe.
Karolwana e emelwa ke karolo 2 (a) ya Molao 9 wa 1992.
Kakanyo goba taelo efe goba efe ya mohlankedi yo bjalo e ka tlošwa goba ya lokišwa ke mohlankedi wa phethiši yoo a amegago gomme e tla tšewa bjalo ka kakanyo goba taelo ya mohlankedi yo bjalo wa phethiši go fihla ge e sa tlošitšwe goba e lokišwa ka ntle le mo tirišong ya temana ye.
Karolwana e emelwa ke karolo 2 ya Molao 9 wa 1992.
a Ge Tona a bona go swanela, a ka laela goba a fa maatla afe goba afe ao a a neetšwego ke karolo 8 goba maatla afe goba afe goba modiro woo o neetšwego goba o rwešitšwego mohlankedi wa phethiši ke goba ka fase ga Molao wo go motho yoo e se go mohlankedi.
Temana (a) e emelwa ke karolo 2 (b) ya Molao wa 1992.
b Ge Tona a laela goba e efa maatla goba modiro, a ka laetša gore-
i maatla goba modiro o tla dirwa ka ditshenyegelo tša motho yoo a amegago;
ii motho yoo a amegago a ka se nyake thušo ya tefo go tšwa go Naga mo ditshenyagalelong tšeo a bilego le tšona; gape iii motho yoo a amegago o tla diriša maatla a gagwe gomme a dira mediro go ya ka ditaelo tša mohlankedi wa phethiši yoo a amegago.
Temana (iii) e emelwa ke karolo 2 (c) ya Molao 9 wa 1992.
c Motho wa molao yoo a hlomilwego ka fase ga molao ofe goba ofe gape yoo maatla le modiro tšeo di laetšwego goba di rwešitšwego go yena, o tla swanelwa ke go bontšha bokgoni bja go diriša maatla a bjalo goba go dira modiro wo bjalo.
d Motho yo bjalo wa molao a ka dumelela motho ofe goba ofe ka go ngwala mo mošomong wa gagwe gore a diriše maatla goba a dire mošomo wo o swanetšego.
Karolwana e emelwa ke karolo 2 (a) ya Molao18 wa1989.
Kakanyo efe goba efe goba taelo ya motho yo a dumeletšwego e ka fetšišwa goba ya lokišwa nako efe goba efe ke Tona goba mohlankedi wa phethišo yoo a amegago, go ya le ka moo go tla bego go le ka gona, gomme e tla, go fihlela e lokišwa goba e fetšišwa ka ntle le mo tirišong ya karolwana ye, tšewa bjalo ka kakanyo goba taelo ya Tona goba mohlankedi wo bjalo wa phethišo.
Karolwana e emelwa ke karolo 2 (b) ya Molao18 wa1989 le karolo 2 (d) ya Molao 9 wa 1992.
a36y1983s33 Go tliša dithoto tšeo di laolwago go tšwa dinageng tša ka ntle
Go ya ka dineeloo tša dikarolwana 4, 5 le 6 ga go motho yoo a tlago tlišago dithoto ka mo Repabliking go tšwa ka ntle-
a sebjalo, twatši, khunkhwane, phoofolo e šele, sedirišwa sa go godiša, selo sa go fetela, mamapo, moti goba ditlabelo tša lefelo leo go dulago dinose;
b selo sefe goba sefe seo se laeditšwego ke Tona ka tsebišo ka gare ga Kuranta ya Mmušo, ka ntle le ge go hweditšwe tumelelo.
Motho yoo a tlišago dithoto tšeo di laolwago go tšwa ka ntle ka go Repabliki ka tumelelo-
a o tla dira bjalo fela go ya ka matseno a boemakepe ao a laeditšwego, ka ntle le ge mohlankedi wa phethišo a laeditše lefelo le lengwe;
b o tla di tšweletša lefelong leo go mohlankedi wa phethiši yoo a amegago gore di hlahlobje ge a bona go hlokega;
c a ka se di tloše lefelong leo pele mohlankedi wa phethiši yoo a amegago a e fa tumelelo ka go ngwala.
Karolwana e emelwa ke karolo 3 ya Molao 9 wa 1992.
Mohlankedi wa phethiši a ka, mo kgopelong ya motho yoo a tlišago dithoto tšeo di laolwago go tšwa ka ntle le kgahlanong ya tefo ya ditšhelete tšeo di laeditšwego-
a dira tlhahlobo yeo e akantšwego ka go karolwana 2 b mo nakong ye nngwe ka ntle le mo nakong ya mošomo ya mohlankedi yo bjalo wa phethiši; goba b dira mošomo wo mongwe go ya ka dithoto tše bjalo tšeo di laolwago.
Karolwana e emelwa ke karolo 3 ya Molao18 wa 1989 le karolo 3 ya Molao 9 wa 1992.
Tona a ka laetša ka tsebišo ka go Kuranta ya Mmušo gore dithoto dife goba dife tšeo di laolwago goba sehlopha sa dithoto tšeo di laolwago di ka tlišwa ka gare ga Repabliki ka ntle le tumelelo, go ya ka mabaka ao a laeditšwego ka go tsebišo yeo.
Tona a ka tliša diphoofolo di šele tša mohuta wo o itšego go tšwa ka ntle ka mo Repabliking, goba ditwatši goba dikhunkhwane tša mohuta wa tšona tšeo e se go tša tlhago ya Repabliki, ge e ba o na le kgopolo ya gore go ba gona ga tšona mo Repabliking-
a go a hlokega gore go lwantšhwe tšwelelo ya dimela, ditwatši, dikhunkhwane goba diphoofolo di šele tša mohuta wo o itšego mo Repabliking;
b go tla tšwela lekala le le itšego la temo mohola.
Tona ka go tsebišo ka gare ga Kuranta ya Mmušo a ka laetša gore tumelelo ya dithoto tšeo di laolwago goba sehlopha sa tšona ya gore di tlišwe ka gare go Repabliki e se ke ya fiwa.
Ge mohlankedi wa phethiši a netefaditše goba a na le pelaelo ka mabaka a go kwagala gore dithoto tšeo di laolwago di tlišitšwe ka gare go Repabliki goba di a sepetšwa goba di tlo sepetšwa kgahlanong le dineelo tša Molao wo goba lebaka leo le laeditšwego ka go karolo 3 4 goba tumelelo yeo e lebantšwego, goba go na le dithoto tšeo di tlišitšwego ka gare goba twatši, khunkhwane goba phoofolo e šele ka ntle le tumelelo, o tla-
a laela mong wa senamelwa seo dithoto di tlišitšwego ka sona goba di sepetšwago goba di tlo go sepetšwa ka sona gore-
i a se ke a laolla;
ii a se tšwele pele ka go sepetša dithoto;
iii a laolle lefelong leo le laeditšwego ke yena, dithoto goba seripa se bjalo go ya le ka moo a laetšago ka gona;
b laela motho goba moemedi wa motho yoo a tlišago dithoto ka mo gare, goba motho yoo e lego mong goba a rwalago maikarabelo a dithoto tše bjalo gore-
i a fetšiše lefelo leo, ka tsela le ka nako yeo e laeditšwego ke yena;
ii a tloše mo Repabliking ka dikepe, ka tsela le ka nako yeo e laeditšwego ke yena;
iii a fepe, a lahle goba a šome ka tšona lefelong leo, ka tsela le ka nako yeo e laeditšwego ke yena, dithoto goba seripa se bjalo go ya le ka mokgwa woo a tla laetšago, go akaretša setšhelo sefe goba sefe goba materiale woo o dirišwago go tliša dithoto ka gare;
Temana (b) e lokišwa ke karolo 4 (a) ya Molao18 wa 1989.
c go fetšiša goba go hlola phetšišo ya dithoto goba seripa se bjalo sa tšona go ya le ka moo a tla laetšago ka gona, ka morago ga go fa motho goba motho yoo a emago legatong la gagwe la go tliša dithoto goba mong wa dithoto tšeo tsebišo ya go ngwalwa matšatši a šupa ka ga maano a gagwe a go dira seo: Ke fela ge e ba go na le kakanyo ya mohlankedi yo bjalo wa phethiši ya gore dithoto di senywe goba tsebišo ga e kgonege, go sa hlokegego gore go fiwe temošo;
Temana (c) e emelwa ke karolo 4 (b) ya Molao 18 wa 1989 gape ya lokišwa ke karolo 4 (b) ya Molao 9 wa 1992.
d moo motho a ganago goba a hlokomologago go latela neelo ya taelo yeo e akantšwego ka go temana a goba b, senyago goba a hlolago tshenyo ya dithoto tšeo go bolelwago ka tšona;
Temana (d) e emelwa ke karolo 4 (b) ya Molao18 wa 1989.
e taelo ya gore dithoto tše bjalo goba seripa sa tšona go ya le ka moo a tla bego a laetšego ka gona, di laolwe, di tlošwe goba di thibelwe go ya le ka moo a laelago, ka pono ya go diriša maatla afe goba afe a gagwe;
f laela mong goba motho yoo a rwalago maikarabelo a dithoto tšeo di laolwago goba di theošwago go tšwa go dithoto tše bjalo tše laolwago, goba di tšweletšwago goba di humanwago ka tšona, go tšwa goba ka dithoto tše bjalo tše di laolwago tšeo di bitšwago dithoto tše di hweditšwego go šoma ka dithoto tšeo tše di hweditšwego go ya le ka moo di filwego ka go temana b i goba iii, go sa kgathalege ka ga maemo a tlhago goba tswalano yeo e amegago, goba kopanyo yeo e lego gona magareng ga ditho tše bjalo tše di laolwago le dithoto tše di hweditšwego.
Temana (f) e okeditšwe ke karolo 2 ya Molao 47 wa
Karolwana e lokišitšwe ke karolo 4 (a) ya Molao 9 wa 1992.
Ge go na le se sengwe seo se hlokegago go dirwa go ya ka Molao wo, mo nakong yeo e itšego, mohlankedi wa phethiši a ka, pele goba ka morago ga letšatši la bofelo le ka kgopelo go ba go ya ka yena, ka tlhaologanyo ya gagwe, laetša nako ye nngwe ya pele yeo e ka dirwago ka yona.
Karolwana e emelwa ke karolo 4 (c) ya Molao 9 wa 1992.
Ge mohlankedi wa phethiši a bona go hlokega gore a diriše maatla a gagwe goba tiro ya mešomo ya gagwe, a ka hloma nyakišišo gomme ka tlhaologanyo ya gagwe a kgopela tshedimošo efe goba efe gape a nyaka go bontšhwa tšweletšo ya tokumente efe goba efe go tšwa go motho ofe goba ofe yoo go ya ka yena a ka fanago ka tshedimošo ye bjalo goba a nago le phihlelelo ya tokumente ye bjalo.
Karolwana e emelwa ke karolo 4 (c) ya Molao 9 wa 1992.
Ge mohlankedi wa phethiši a ka ntšha taelo goba tumelelo go ya ka Molao wo, nako efe goba efe, ka kgopelo goba go ya ka yena a ka-
a e dira gore e be go ya ka mabaka a bjalo go ya ka moo a gopolago gore e swanela ka gona;
b lokiša dineelo tša moo goba mabaka ao a amegago;
c e fetšiša.
Karolwana e lokišwa ke karolo 4 (d) ya Molao 9 wa 1992.
a36y1983s55 Tsebišo ya kgapeletšo ya go ba gona ga dijedi tše itšego mo
Modiriši wa naga o tla re semeetseng a tsebiša mohlankedi wa kgauswi wa kgoro goba motho yoo a nago le maloka ge e ba ditšie tša go fofa goba sejedi sa mohuta wo mongwe di tšweletše mo nageng goba ge e ba ditšie tša go fofa di beile mae moo goba diboko tša mohuta wo mongwe di gona moo, a mo hlalošetše gabotse ka moo go ka kgonegago gore ke mo kae mo nageng yeo mo go nago le ditšie tša go fofa, mehuta ye mengwe ya dijedi gape a mo fe tshedimošo ya maleba yeo e tseneletšego go ya le ka moo a ka mo kgopelago ka gona.
Karolo 5 e emelwa ke karolo 5 ya Molao18 wa 1989 le karolo 5 ya Molao 9 wa 1992.
a36y1983s66 Go laetša ditsela tša go laola ka Tona
Gore go thibelwe gape go lwantšhwe phatlalatšo ya malwetši, dinonyana tše go ba le bohubedu, dikhunkhwane le diphoofolo di šele, Tona o tla re ka tsebišo ka gare ga Kuranta ya Mmušo a laetša ditsela tša go laola tšeo di tla latelwago ke modiriši wa naga.
Karolwana e emelwa ke karolo 6 (a) ya Molao 9 wa 1992.
Ditsela tša go laola di ka amana le-
a phetšišo ya dibjalo;
b hlwekišo le phetšišo ya dibjalo goba selo se sengwe le se sengwe seo se itšego seo se tshwaeditšwego ke ditwatši goba dikhunkhwane c go lwantšha ditwatši, dinonyana tša go ba le bohubedu, dikhunkhwane goba diphoofolo di šele;
Temana (c) e emelwa ke karolo 6 (b) ya Molao 9 wa 1992.
d go rua, go bjala goba go lema dibjalo;
e go rua ditwatši, dikhunkhwane, diphoofolo di šele goba selo se sengwe le se sengwe seo se itšego;
f go tloša dibjalo, ditwatši, dikhunkhwane, diphoofolo di šele goba selo se sengwe le se sengwe seo se itšego-
i tšeo di tšwago nageng efe goba efe mo lefelong leo le itšego go ya go naga efe goba efe mo lefelong leo;
ii go tšwa nageng efe goba efe mo lefelong leo le itšego go ya go naga efe goba efe mo lefelong le lengwe leo le itšego;
g tsebišo ya tšwelelo ya ditwatši tše itšego, motšhitšhi wa dinonyana tša go ba le bohubedu, dikhunkhwane goba diphoofolo di šele mo nageng;
Temana (g) e emelwa ke karolo 6 (c) ya Molao 9 wa 1992.
h taba efe goba efe yeo Tona a bonago go hlokega goba go ka thušago gore e laetšwe gore go tšweletšwe pele merero ya Molao wo, le kakaretšo ya maatla ao a laeditšwego ke temana (h) a ka se kgaoletšwe ke ditemana tše di tlago pele ga yona.
Tsela ya go laola e ka-
a ba le kiletšo goba kgapeletšo mo tabeng efe goba efe yeo e go boletšwego ka yona mo go karolwana 2;
b fana ka gore mohlankedi wa phethiši a lokolla motho ofe goba ofe mo kiletšong goba kgapeletšong ye bjalo ka go mo fa tumelelo;
Temana (b) e emelwa ke karolo(d) ya Molao 9 wa 1992.
c beakanya ditefo tšeo di swanetšwego go lefelwa ke motho yoo a dirago kgopelo ya tumelelo yeo e laeditšwego ka go temana b.
Temana (c) e tlatšwa ke karolo 6 ya Molao18 wa 1989.
Ditsela tše di fapanego tša go laola di ka laetšwa go ya ka dibjalo, ditwatši, dikhunkhwane, diphoofolo di šele goba dilo tše dingwe tšago fapana, goba go ya ka mafelo a go fapana goba go ya ka maemo a go fapana goba go ya ka mekgwa ye mengwe yeo Tona a ka naganago gore e a swanela.
a36y1983s77 Ditaelo go ya ka naga
Mohlankedi wa phethiši ka tsebišo yeo e ngwadilwego, yeo e tla dirišwago ka tsela yeo e laeditšwego, a ka laela modiriši ofe goba ofe wa naga gore a hlokomele goba a tšee dineelo tša tsela yeo e itšego ya go laola goba go ya ka lefelo la kiletšo leo le laeditšwego ka taelong yeo, goba go dira goba go tlogela go dira tiro efe goba efe goba go ya ka lefelo le bjalo la kiletšo gore a tšwetše pele ditebo tša Molao wo.
Karolwana e emelwa ke karolo 7 (a) ya Molao 9 wa 1992.
Taelo ye bjalo e ka laela gore selo se sengwe le se sengwe seo se nyakegago moo se tla dirwa goba se ka se dirwe ka tsela yeo goba mo nakong yeo e laeditšwego fao.
Mohlankedi wa phethiši yoo a amegago, o tla re ka kgopelo ya modiriši wa naga le kgahlanong le tefo ya ditefo tšeo di laeditšwego, ge e ba di gona, a tlogela goba a lokiša taelo, gomme o tla dira tlhahlobo yeo e hlokegago mo lefelong la kiletšo.
Karolwana e emelwa ke karolo 7 (b) ya Molao 9 wa 1992.
a Le ge go le bjalo kiletšo efe goba efe mo taelong yeo e laeditšwego ka go karolwana 1 mohlankedi wa phethiši yoo a amegago a ka fa tumelelo ka go ngwala go modiriši wa naga gore a tloše selo se sengwe le se sengwe seo se le go mo lefelong la tswalelo gore a hlwekiše goba a e fetšiše.
b Kgopelo ya tumelelo ye bjalo e tla romelwa ka go ngwalwa go mohlankedi wa phethiši yoo a amegago.
Karolwana e emelwa ke karolo 7 (b) ya Molao 9 wa 1992.
a Ge e ba se sengwe se sentšwe ka lebaka la taelo yeo e akantšwego ka go karolwana 1 Tona, ka tirišano le Tona ya Ditšhelete, ka ntle ga ditšhelete tšeo lebantšhitšwego ke Palamente gore di šomišetšwe lebaka leo, a ka lefela pušetšo ye bjalo ge a bona e le maloka gore go dirwe bjalo.
Temana (a) e emelwa ke karolo 3 ya Molao 47 wa 1986.
b Kgopelo ya tefo ya pušetšo go ya ka temana a e tla šetšwa ge fela e rometšwe ka go ngwalwa go mohlankedi wa phethiši yoo a amegago mo matšatšing a 90 ka morago ga letšatši leo dilo tšeo go bolelwago ka tšona di sentšwego.
Temana (b) e emelwa ke karolo 7 (c) ya Molao 9 wa 1992.
a36y1983s88 Maatla a Tona
Tona ka ntle le go diriša ditšhelete tšeo di lebantšwego ke Palamente gore di dirišetšwe lebaka leo a ka dira tiro efe goba efe goba go ya ka naga efe goba efe yeo a bonago go le bohlokwa gore a ka-
a lwantšha ditšie tša go fofa, ditšie tša go se fofe, dinonyana tša go ba le bohubedu, gape a fetšiša mae a ditšie tša go fofa;
Temana (a) e emelwa ke karolo 7 (a) ya Molao18 wa 1989.
b tšea dineelo tša tsela ya go laola goba taelo moo modiriši wa naga yoo a amegago a ganago goba a hlokomologago go dira bjalo;
c lokolla goba go tloša twatši efe goba efe, khunkhwane goba phoofolo e šele tšeo di tlišitšwego ka mo nageng go ya ka karolo 3 5;
d tšwetšapele ditebo tša Molao wo.
Tona a ka dumelela motho ofe goba ofe gore a dire mošomo ka tshenyagalelo ya motho yoo le go ya ka taolo ya Tona, ditiro tšeo di laeditšwego ka go karolwana 1 a and b, gomme motho yo bjalo a ka se hwetše tefo efe goba efe go tšwa go Naga go ditshenyagalelo tšeo a bilego le tšona.
Karolwana e tlatšwa ke karolo 7 (b) ya Molao 18 wa 1989.
Tiro efe goba efe yeo e laeditšwego ka go karolwana 1 a e ka dirwa ke motho yoo a laeditšwego ka go karolwana 2 mo nageng yeo e bopago karolo ya phaka goba diphaka tšeo di tlhalošitšwego ka go karolo 1 ya Molao wa Diphaka tša Bosetšhaba, 1976 Molao 57 wa 1976, ge fela go hweditšwe tumelelo go tšwa go Boto ya Bahlapetši ba Diphaka tša Bosetšhaba yeo e hlomilwego ka fase ga karolo 5 1 ya Molao wo go bolelwago ka wona, goba mohlankedi goba modiredi wa boto ye bjalo yoo a dumeletšwego ke boto.
Karolwana e tlatšwa ke karolo 7 (b) ya Molao 18 wa 1989.
a36y1983s99 Maatla a botseno le nyakišišo
Motho yoo a dumeletšwego ke Tona gore a dire tiro yeo e akantšwego ka go karolo 8 a kare ka nako ya maleba a-
a tsena nageng efe goba efe gore a dire tiro yeo goba kamanong le naga yeo goba naga efe goba efe;
b tšwelela nageng efe goba efe gore a fihle nageng yeo tiro e swanetšwego gore e dirwe go yona.
Motho yo bjalo a ka-
a ka morago ga go tsebiša modiriši wa naga yoo a amegago ka ga maikemišetšo a gagwe a go dira seo, a go tšea batho bao, diphoofolo, dinamelwa, dithoto le materiale tšeo a tla di hlokago go phethagatša tiro yeo e laeditšwego ka go karolwana 1 ge a tsena goba a feta mo nageng yeo: Ge e le gore temošo ye bjalo ga e hlokege go fiwa ge e ba modiriši wa naga yoo go bolelwago ka yena ga a dule nageng yeo gape a ka se lotwe mohlala.
Temana (a) e emelwa ke karolo 8 ya Molao 18 wa 1989.
b nyaka gore modiriši wa naga yoo go bolelwago ka yena goba molaodi wa gagwe, agente goba modiredi mo nageng yeo go mo fa thušo yeo a tla e hlokago mo mabakeng ao a tla mo kgontšhago go dira tiro yeo go bolelwago ka yona.
Ga go tefo yeo e tla lefelwago go motho ofe goba ofe go ya ka thušo yeo a e filego go ya ka karolwana 2 b.
Mohlankedi wa phethišo mo nakong ya go kwagala a ka-
a tsena mo nageng gomme a hlahloba naga yeo, moago goba senamelwa ge e ba ka fase ga mabaka a go kwagala o belaela gore go ka be go na le dithoto tšeo di laolwago ka gare ga tšona, gomme a ka hlahloba selo se sengwe le se sengwe mo nageng yeo, moago goba senamelwa gomme a se tloša goba a tšea sešupo se sengwe go yo dira dinyakišišo;
b hlahloba puku goba tokumente efe goba efe mo nageng yeo, moagong goba senamelweng tšeo a belaelago ka fase ga mabaka a go kwagala gore di ka be di amana le dithoto tša go laolwa, gomme a dira dikhopi tša puku goba tokumente yeo;
c nyaka gore a fiwe tlhalošo malebana le matseno a maleba ka gare ga puku goba tokumente ye bjalo goba malebana le se sengwe le se sengwe seo a se lemogilego ge a dira tlhahlobo, go tšwa go motho ofe goba ofe yoo mo maemong a gagwe a na go le tsebo ya matseno ao go bolelwago ka ona goba ao a lemogilwego ke yena;
d ka hlokomelo ya gagwe a swarelele se sengwe seo e tla ba go bohlatse bja khomišene ya molato go ya ka Molao wo, gomme moholeng wa seo a se tloša goba a se sengwe mo nageng yeo, moago goba senamelwa seo go bolelwago ka sona, gomme a kgomaretša sešupo sefe goba sefe goba a kgomaretša go selo se sengwe le se sengwe;
e a tsena nageng efe goba efe gore a kgone go kgaoganya lefelo la kwaranthine gomme moholeng wa seo a godiše sešupo sefe goba sefe, semapo goba maraka mo nageng goba woo o amanago le naga;
f tseba nageng efe goba efe gore a laetše ge eba modiriši wa naga yoo a amegago o latela goba o latetše dineelo tša tsela efe goba efe ya go laola goba taelo;
g tšwelela nageng efe goba efe gore a kgone go fihlelela naga gore a diriše maatla afe goba afe a gagwe goba go dira mediro efe goba efe ya gagwe;
h tsena nageng efe goba efe, moago goba senamelwa gore a kgone go dira nyakišišo efe goba efe yeo e amanago le taba efe goba efe yeo e laeditšwego ka go Molao wo.
Karolwana e lokišitšwe ke karolo 8 (a) ya Molao 9 wa 1992.
Ge mohlankedi wa phethiši a nyaka go diriša maatla afe goba afe ao a laeditšwego ka go karolwana 4 ao a amanago le naga efe goba efe, moago goba senamelwa, a ka nyaka gore modiriši wa naga, mong goba motho yoo a rwalago maikarabelo, goba molaodi wa gagwe, goba modirelwa a mo fe thušo yeo e tla hlokegago mo maemong ao gore a kgone go diriša maatla ao go bolelwago ka ona.
Karolwana e emelwa ke karolo 8 (b) ya Molao 9 wa 1992.
Ga go ditefo tšeo di tla lefelwago motho ofe goba ofe go ya ka thušo yeo a e filego go ya ka karolwana 5.
Motho ofe goba ofe yoo a dumeletšwego ka fase ga karolo ye go tsena goba go tšwela pele mo nageng efe goba efe, moago goba senamelwa o tla bontšha modiriši wa naga, mong goba motho yo a na go le maikarabelo, goba molaodi wa gagwe goba modiredi, bohlatse bja boitšhupo bja gagwe ge e ba o kgopelwa go dira bjalo.
a36y1983s1010 Khwetšo ya ditefo le ditshenyegelo
Molato ofe goba ofe go ya ka ditšhelete tšeo di akantšwego ka go karolo 3 3, 6 3 goba 7 3, ditshenyagelo tšeo di dirilwego ka tirišo ya maatla afe goba afe ao a laeditšwego ka go karolo 4 1 c goba d goba 8 1 b le tswalo yeo e laeditšwego ka go karolwana 3 e tla hlama molato go Naga goba motho ofe goba ofe yoo a dumeletšwego go ya ka karolo 8 2, ka motho goba modiriši wa naga yoo a amegago go tloga ka matšatšikgwedi ao a akantšwego ka go dikarolwana 2 le 3.
Ge go na le molato wa ditšhelete tše bjalo goba go na le ditshenyagelo tše bjalo tše di dirilwego, mohlankedi wa phethiši goba motho yo dumeletšwego, o tla laetša tšhelete yeo gomme a dira gore go fiwe temošo go motho goba modiriši wa naga yoo a amegago moo a laelwago gore a lefele tšhelete yeo pele ga tšatšikgwedi leo le laeditšwego ka gare ga temošo.
Karolwana e emelwa ke karolo 9 ya Molao 9 wa 1992.
Ge e ba molato woo ga se wa lefelwa ka letšatšikgwedi leo le laeditšwego, tswalo godimo ga moo e tla lefelwa go tloga ka letšatši leo le latelwago, ka letšatšikgwedi leo ka tekanyo ya maemo a bogare ya tswalo yeo e laeditšwego go ya ka karolo 26 1 ya Molao wa Eksetšhekhua le Odithi, 1975 Molao 66 wa 1975, gomme o tla dirišwa ka letšatšikgwedi la temošo leo le laeditšwego ka go karolwana 2.
Karolo 10 e emelwa ke karolo 9 ya Molao 18 wa 1989.
a36y1983s1111 Boipiletšo go Tona
Ge mohlankedi wa phethiši a ganeditše kgopelo efe goba efe yeo e rometšwego go yena ka go ngwalwa, lebaka e le go šoma ka fase ga maatla a gagwe, goba go ya ka yena a lokišitše goba a fetšišitše taelo efe goba efe, tumelelo goba lebaka lefe goba lefe leo le hlomeseditšwego mo, o tla tsebiša motho yoo a amegago ka pela ka go mo ngwalela mabaka a go ganetša goba a maitshwaro a gagwe.
Karolwana e emelwa ke karolo 10 ya Molao 9 wa 1992.
Motho ofe goba ofe yoo a kwago a kgopišitšwe ke kganetšo goba maitshwaro a bjalo, a ka dira boipiletšo kgahlanong le yona go Tona ka tsela yeo e laeditšwego, le gona ka go lefela tšhelete yeo e laeditšwego.
Tona ka morago ga go šetša ditokumente tšeo di laeditšwego, a ka kgonthišiša kganetšo goba maitshwaro goba a dira taelo ye nngwe yeo a naganago gore e a swanela, go akaretša le taelo ya tšhelete yeo e laeditšwego, goba seripa se bjalo go ya le ka moo a tla laetšago, gore se lefelwe go motho yoo.
a36y1983s1212 Poloko ya sephiri
Ga go motho yoo a tlago utolla go motho ofe goba ofe tshedimošo yeo a e hweditšego mo tirišong ya maatla ao goba tiro ya mediro yeo gape kamanong le ditaba tša motho ofe goba ofe ka ntle le ka mabaka a go diriša maatla a gagwe goba go dira ditiro tša gagwe go ya ka Molao wo, goba ka mabaka a ditshepedišo tša molao ka ntle ga Molao wo.
a36y1983s1313 Melato le Dikotlo
Motho ofe goba ofe yoo-
a hlolegago goba a ganago goba a palelwago ke go latela dineelo tša Karolo 3 1 or 2, go akaretša maemo afe goba afe ao a filwego kamanong le tumelelo, goba maemo afe goba afe ka go tsebišo yeo e laeditšwego ka go karolo 3 4;
Temana (a) e emelwa ke karolo 10 (a) ya Molao18 wa 1989.
aA ge a ka hwetšwa e le mong wa dithoto tšeo di laolwago go ya le ka moo go na go le pelaelo ya gore dithoto tše bjalo di tlišitšwe ka nageng ntle le tumelelo yeo e laeditšwego ka go karolo 3 1, goba kgahlanong le maemo a bjalo a tumelelo ya go tsena yeo e laeditšwego ka go tsebišo yeo e filwego ka fase ga karolo 3 4, gape a sa kgone go fa mabaka a go kgotsofatša a go emela go ba mong wa ditho tšeo;
Temana (aA) e loketšwe ke karolo 10 (b) ya Molao 18 wa 1989.
b gana goba go hlokomologa go tsebiša motho yo a laeditšwego ka go karolo 5 1 bjalo ka ge go hlokega goba go mo fa tshedimošo yeo e kgopetšwego;
c gana goba go hlokomologa go latela goba go tšea dineelo tša ditsela tša go laola, taelo goba tumelelo, go akaretšwa le maemo afe goba afe ao amegago fa;
d šitiša goba go thibela mohlankedi wa phethiši, mohlankedi goba motho yoo a dumeletšwego go diriša maatla a gagwe goba go dira ditiro tša gagwe;
Temana (d) e emelwa ke karolo 11 ya Molao 9 wa 1992.
e dira tseno efe goba efe yeo e sa dumelelwago goba go phumola tokumente efe goba efe yeo e filwego goba e nyakegago ka fase ga Molao wo;
f gana goba go hlokomologa go fana ka tshedimošo, go tšweletša tokumente goba go fa tlhalošo go motho ofe goba ofe yoo go ya ka Molao wo a dumeletšwego go kgopela dilo tšeo, goba yoo a fanago ka tshedimošo goba a fago tlhalošo yeo a tsebago gore e fošagetše;
g gana goba go hlokomologa go fana ka thušo yeo e akantšwego ka go karolo 2 b goba 5;
h senya, phušola, tloša, šutiša, fetola goba go dira se sengwe ka sa go swaya, semapo, sešupo goba leswao le lengwe leo le diretšwego go dira go arola lefelo la kwaranthine;
i utolla tshedimošo yeo e lego kgahlanong le dineelo tša karolo 12;
j go se latele se sengwe sa dineelo tša Molao wo tšeo di sa fiwago mo ditemaneng tše di lego ka godimo, o tla bonwa molato gomme a swanelwa ke-
i mo kahlolong ya mathomo ya molato go ya ka temana a or aA, go tefišo ya go se fete R20 000 go ba go ya kgolegong lebaka la go se fete mengwaga ye mehlano goba bobedi bja tefišo le go ya kgolegong;
Temana (i) e emelwa ke karolo 1 (a) ya Molao 17 wa 1985 le karolo 10 (c) ya Molao 18 wa 1989.
ii mo kahlolong ya mathomo ya molato go ya ka temana b, c, d goba e, go tefišo ya go se fete R4 000 goba go ya kgolegong lebaka la go se fete ngwaga goba bobedi bja tefišo le go ya kgolegong;
Temana (ii) e emelwa ke karolo 10 (c) ya Molao 18 wa 1989.
iii mo kahlolong ya bobedi goba ya go latela ya molato woo o boletšwego ka go temana i, go sa kgathalege gore ke molato o tee goba molato wo mongwe woo o boletšwego ka go temana yeo, mo lebakeng la motho wa magareng, go ya kgolegong lebaka la go se fete mengwaga ye lesome, le mo legatong la motho wa molao, go tefišo ya go se fete R50 000;
Temana (iii) e emelwa ke karolo 10 (c) ya Molao18 wa 1989.
iv mo kahlolong ya bobedi goba yeo e latelago ya molato woo o boletšwego ka go temana ii, go sa kgathalege gore ke o tee goba molato wo mongwe woo o boletšwego ka go temana yeo, go tefišo ya go se fete R8 000 goba go ya kgolegong lebaka la go se fete mengwaga ye mebedi goba bobedi bja tefišo le go ya kgolegong;
Temana (iv) e tlatšwa ke karolo 10 (c) ya Molao18 wa 1989.
v mo kahlolong ya molato go ya ka temana f, g, h, i goba j, go tefišo yeo e sa fetego R2 000 goba go ya kgolegong lebaka la go se fete dikgwedi tše tshela goba bobedi bja tefišo le go ya kgolegong.
Temana (v) e tlatšwa ke karolo 10 (c) ya Molao18 wa 1989.
Lekgotla la maseterata le tla tšweletša bokgoni bja go fa kotlo yeo e filwego ka mo karolong ye.
a36y1983s1414 Dikgopolo le bohlatse
Go ditšwetšopele tša bosenyi ka fase ga Molao wo-
a go tla bonwa gore dineelo tše di lego gona tša Molao wo di lebišwa go naga goba go ya ka molato wo o amegago wo o dirilwego, ka ntle le ge go filwe bohlatse bja phapano;
b tokumente yeo e bonalago o kare e hlatsetše ke mohlankedi wa phethiši go laetša gore ke khopi ya taelo yeo ditshepedišo di amanago le yona, e tla amogelwa bjalo ka bohlatse ka kgorong ya tsheko ka ntle le bohlatse goba tšweletšo ya taelo ya setlogo;
Temana (b) e emelwa ke karolo 12 (a) ya Molao 9 wa 1992.
c ge khopi ya taelo yeo e laeditšwego ka go temana b e bonala o kare e dumeletšwe ke mohlankedi wa phethiši go tšweletša gore taelo yeo go bolelwago ka yona e dirilwe go motho yoo leina la gagwe le filwego ka go taelo yeo ka mokgwa wo mongwe, e tla tšewa gore taelo ye bjalo e dirilwe go motho yo go boletšwego ka yena, ka ntle le ge go filwe bohlatse;
Temana (c) e emelwa ke karolo 12 (a) ya Molao 9 wa 1992.
cA taodišo goba matseno afe goba afe ao a lego ka go sephuthelwana sefe goba sefe goba ka gare ga puku goba tokumente yeo e beilwego goba e bonalago o kare e filwe ke motho ofe goba ofe, goba ke molaodi, modiredi wa motho yo bjalo, e tla amogelwa ka bohlatse kgahlanong le motho yoo bjalo ka bohlatse bja dinhla tšeo di laeditšwego ka go taodišo goba matseno ao, ka ntle le ge bohlatse bja taodišo ye bjalo goba matseno bo se bja fiwa ke motho wo bjalo, goba molaodi, goba modiredi wa motho yoo mo mošomong wa gagwe bjalo ka molaodi goba mo khamphaning goba mošomong wa gagwe;
Temana (cA) e loketšwe ke karolo 11 ya Molao 18 wa 1989.
d moo go filwego bohlatse bja go re sešupo, semapo, goba maraka wo mongwe o sentšwe, o phušutšwe, o tlošitšwe, o šutišitšwe, o fetotšwe goba o dirilwe se sengwe ka ntle le go latela dineelo tšwa Molao wo, go tla tšewa gore di dirilwe ke motho yoo e lego modiriši wa naga yeo go bolelwago ka yona ka letšatši leo mohlankedi wa phethiši a lemogilego tshenyo, phušolo, tlošo, tšhutišo, phetošo goba se sengwe seo se diragetšego, ka ntle le ge go filwe bohlatse.
Temana (d) e emelwa ke karolo 12 (b) ya Molao 9 wa 1992.
Tiro goba tlogelo efe goba efe ya molaodi, agente goba modiredi yoo a dirago molato ka fase ga Molao wo o tla tšewa bjalo ka tiro goba tlogelo ya mothwadi goba hlogo ya gagwe, gomme mothwadi goba hlogo yeo e ka bonwa molato gape a ahlolwa ka ntle le ge a ka fa bohlatse bja gore-
a ga se a dumelela goba a fa tumelelo ka sephiring mo tirong goba tlogelong;
b o tšere magato ka moka a go thibela tiro goba tlogelo ya mohuta woo go bolelwago ka yona; gape c tiro goba tlogelo, go sa kgathalege gore ke ya molao goba ga se ya molao, ga se ya akaretšwa ka go modiro goba tumelelo ya molaodi, agente goba modiredi yoo go bolelwago ka yena.
Taba ya gore mothwadi goba hlogo o ganeditše tiro goba tlogelo yeo go bolelwago ka yona, e ka se tšewe bjalo ka bohlatse bjoo bo hlokegago bja gore o tšere magato ka moka ao a hlokagalago go ya ka karolwana 1 b.
Dineelo tša karolwana 1 di ka se ame maikarabelo a bosenyi bja molaodi, agente goba modiredi yoo go bolelwago ka yena.
a36y1983s1616 Melawana
Tona a ka dira melawana go ya ka-
a tsela yeo kgopelo e tla dirwago ka gona go hwetša tumelelo efe goba efe;
b boemadikepe bja matseno ao dithoto tša go laolwa di tla tlišwago ka gare ka ona go ya ka karolo 3 3 a;
c ditefo tšeo di swanetšwego go lefša go ya ka Molao wo;
d tsela yeo tsebišo efe goba efe, taelo goba tokumente ye nngwe yeo e laeditšwego ka go Molao wo e tla latelwago ka gona;
e tsela yeo ka yona le nako yeo ka yona boipiletšo bo tla elwago hloko go ya ka karolo 11, mohlankedi yoo ka yena le tsela yeo kganetšo goba maitshwaro ao go bolelwago ka ona a tla nyakišišwago, tsela yeo moipiletši a ka romelago tshedimošo goba bohlatse goba a dira ditaetšo, go sa kgathalege gore ka boyena goba ka go diriša moemedi wa molao, le ditokišo le thomelo ya pego le keletšo go Tona;
f taba efe goba efe yeo e nyakegago goba e dumeletšwego gore e laetšwe ka fase ga Molao wo;
g ka kakaretšo taba efe goba efe yeo a ka bonago e hlokega gore e laetšwe gore go tšwetšwe pele ditebo tša Molao wo, le kakaretšo ya maatla ao a neetšwego ke temana (g) a ka se kgaoletšwe ke ditemana tšeo di tlago pele.
Melawana ya go fapana e ka dirwa go ya ka karolo ye, go ya ka mafelo a go fapana a ka mo Repabliking goba go ya ka ditsela tše dingwe tšeo Tona a ka gopolago gore di a swanela.
Molawana woo o laetšago ditefo o tla dirwa fela ge go na le tumelelano le Tona ya tša Ditšhelete.
a36y1983s1717 Kabelo ya maatla ka Tona
Tona a ka abela mohlankedi ofe goba ofe maatla ao a neetšwego go yena ka fase ga Molao wo, ka ntle le maatla a-
a a neetšwego yena ka karolo 3 1 b, 4 goba 6;
b go laetša ditsela tša go laola ka fase ga karolo 6;
c go akanya boipiletšo ka fase ga karolo11;
d go dira melawana ka fase ga karolo16.
Dineelo tša karolo 11 di tla diriša mutatis mutandis go ya ka kakanyo efe goba efe goba taelo ya mohlankedi yeo e laeditšwego ka go karolwana 1.
a36y1983s1818 Kgaoletšo ya molato
Ga go motho, go akaretša le Naga, yo a tlo go arabela go ya ka selo se sengwe le se sengwe seo se dirilwego ka moya wo mobotse ka tirišo ya maatla goba tiro ya modiro ofe goba ofe woo a o neetšwego goba a o rwešitšwego ka fase ga Molao wo.
a36y1983s1919 Dineelo tše dingwe di tlama Naga
Dineelo tša Molao wo, ka ntle le karolo 11, 13 le 15, di tla tlama Naga: Go tla ya ka gore ga go ditefo tšeo di tla lefelwago ke Naga go ya ka Molao wo.
a36y1983s2020 Phetšišo ya melao
Go ya ka dineelo tša dikarolwana 2 le 3 Molao wa Dijedi tša Temo, 1973 Molao 3 wa 1973, le dikarolo 40 le 41 tša Molao wa Kaonafatšo ya Dibjalo, 1976 Molao 53 wa 1976, ka gona e a fetšišwa.
Tumelelo yeo e filwego go ya ka karolo 11 1 ya Molao wa Dijedi tša Temo, 1973, gape e lego yeo e le go ya kgapeletšo go thomišo ya Molao wo, e tla gopolwa go ba tumelelo yeo e akantšwego ka go karolo 3 1.
Tsebišo yeo e ngwadilwego go ya ka karolo 19 2 ya Molao wa Dijedi tša Temo, 1973, goba molao wo o fetšišitšwego ke Molao woo, ka fase ga naga yeo e tsebišitšwego go ba ka fase ga tswalelo gape e lego kgapeletšo mo thomišong ya Molao wo, e tla gopolwa go ba taelo yeo e latelwago ka fase ga karolo 7 go modiriši wa naga yoo a amegago.
a36y1983s2121 Thaetlele ye kopana le thomišo
Molao wo o tla bitšwa Molao wa Dijedi tša Temo, 1983, gomme o tla dirišwa ka letšatšikgwedi leo le hlomilwego ke Mopresidente wa Naga ka kgoeletšo ka gare ga Kuranta ya Mmušo.
Matšatšikgwedi a go fapana a ka hlongwa ka fase ga karolwana 1 go ya ka dineelo tša go fapana tša Molao wo.
Tokelo ya ngwalollo ya Kgaoletšwego ya Juta & Khamphani
